დილას რომ გაიღვიძებ, ასეთი სავარჯიშო გააკეთე:
დასვი რამდენიმე კითხვა და უპასუხე.
- რისი მჯერა? როგორი იქნება დღევანდელი დღე? რა მოლოდინი მაქვს დღევანდელი დღისგან?
ჩამოწერე ყველაფერი რაც მოგივა თავში, რომ ბევრი პრობლემა იქნება, ან იქნებ პირიქით კარგი დღე გელის და მოლოდინი გაქვს, ან იქნებ სევდიანი იქნება, როგორც გუშინდელი? ან იქნებ გგონია, რომ რამეს ვერ შეძლებ, ან იქნებ შეძლებ. ვიღაც რაღაცას გეტყვის, ვიღაც დღესაც რაღაცით იმედს გაგიცრუებს, ან პირიქით ელი რომ აღფრთოვანდები.
და მექანიკური რამეებიც. დღეს მივალ იქ, მოვალ აქ. ვიზამ იმას და ვიზამ ამას.
მოკლედ ჩამოწერე, როგორი გგონია, რომ იქნება დღევანდელი დღე. დღევანდელი კვირა. - მას მერე, რაც ჩამოწერ რწმენებს და მოლოდინებს დღისადმი, გადახედე და მეორე კითხვა დაუსვით შენს თავს. თუკი მოლოდინები, შეზღუდვები და რწმენებიც, რაც მაქვს არ იქნებოდა სიმართლე, როგორი მომეწონებოდა დღევანდელი დღე რომ ყოფილიყო?
და დაწერე, ჯერ წარმოიდგინე და მერე დაწერე. არ გამოხვიდე იქიდან, როგორია რეალობა, არამედ რა გენდომებოდა რომ დღეს მომხდარიყო? რა გირჩევნია იმას, რაც არის? შენი ნება თუ იქნებოდა….
არ შეიზღუდო თავი, შენგან რა მიდის? უბრალოდ წერ, რამეს კი არ გპირდები, ახალ მოლოდინს კი არ გთავაზობ. თუ გინდა დაწერე რომ სეიშელის კუნძულებზე გენდომებოდა დღეს აღმოჩენილიყავი, ან კონცერტზე პორტუგალიაში, ან ჩინეთში ბიზნესის დასაწყებად, ან იქნებ შენს საყვარელ ადამიანთან ხელიხელჩაკიდებული, ან არ ვიცი, რაც გინდა, რაც მოგეწონებოდა.
მიეცი შენს თავს უფლება ჰკითხო რა მოგეწონებოდა. დღეს.
და მერე გააგრძელე დღე. და ხვალ, ზეგ, მაზეგ ყოველ დღე გააკეთე ეს სავარჯიშო.
სანამ დაწერა აღარ დაგჭირდება და დილას, რომ გაიღვიძებ, ტვინი ავტომატურად დასვამს ამ კითხვებს და გასცემს პასუხებს.
და ნახე, რანაირად შეიცვლება შენი ცხოვრება.
მხოლოდ იმიტომ, რომ თავს უფლებას მისცე დაინახო რა მოგეწონებოდა.
ნებისწერაში ვასწავლით, რომ მონდომებას ორი წყარო აქვს. ერთი წყურვილი და დანაკლისი, დეფიციტი და არ ქონა, და მეორე მოწონება და აღფრთოვანება.
როდესაც რამე ძალიან გწყურია, მთებს გადალახავ რომ მიიღო, იმიტომ რომ სხეულში სითხე გაკლია და უდაბნოში ოაზის მოძებნი და წყალს დალევ. იმიტომ რომ გჭირდება.
მაგრამ ასევე ის, რაც არ გჭირდება, სამაგიეროდ ძალიან მოგწონს, რაც შენ შენით მოიფიქრე და მოგწონს, თუ საკმარისად მოგეწონება, მაშინ მოგინდება. და თუ მოგინდება მოხდება.
მთავარია მოგინდეს.
და რომ მოგინდეს, ჯერ უნდა დაინახო.
და რომ დაინახო, უფლება უნდა მისცე შენს თავს, რომ იოცნებოს.
რომ მერე 20 ნება გამოხატოს, და რაზეც 20 ნებას გამოხატავს, ის იქნება.
როგორ მინდა, რომ ყველამ შეძლოთ და დაესწროთ ნებისწერის ვორკრშოპებს. მესმის, რომ ალბათ უმეტესობას, ვინც ამ წერილებს იღებთ, გინდათ. ზოგისთვის მოუცლელობაა მიზეზი, ზოგისთვის ცხოვრებისეული პრობლემები, ზოგს ფინანსები არ უწყობს ხელს, და ზოგი ახერხებს კიდევაც.
ჩვენი ჯგუფები გადავსებულია, მაგრამ ჩვენ მეტს გვინდა გავუზიაროთ.
ვიცით, ერთ დღესაც შენც შეძლებ, რომ მოხვიდე და მეტად და მეტად გაიაზრო რამხელა ცვლილება შეიძლება მოგიტანოს ნებისწერამ ცხოვრებაში.
ერთ დღეს აუცილებლად გავიცნობთ ერთმანეთს, და შენც შენი ბედის ნებით წერას დაიწყებ, და იქნება სიხარული და კმაყოფილება.
მანამდე კი ასე გაგიზიარებთ ხოლმე, რაც მომადგება ენაზე.
ჩვენი მედიტაცია ხომ მოსინჯული გაქვთ? თუ არა ამ ბმულზე შეძლებთ:
Https://nebiswera.ge/wertili
