მაგალითად, თუ ქუჩაში გამვლელი რაღაცას გაბრაზებული ჩაილაპარაკებს, შენ შეიძლება მოახდინო ამის კატასტროფიზაცია და იფიქრო, რომ მისი ნეგატიური ქცევა შენკენ იყო მომართული. არადა, სინამდვილეში შეიძლება მას ვერც კი შეემჩნიე. ხშირ შემთხვევაში იგივე ხდება, როდესაც ადამიანებს პანიკური შეტევა ემართებათ. ისინი ახდენენ შეტევის კატასტროფიზაციას. იწყებენ იმაზე ფიქრსა და ნერვიულობას, რომ ეს შეტევა მათ გაგუდავს, მოკლავს, ანუ წარმოიდგენენ მდგომარეობის დასასრულის ყველაზე ცუდ ვარიანტს. რაც, რა თქმა უნდა, შეტევასთან გამკლავებას კიდევ უფრო ართულებს, ვინაიდან ასეთი ფიქრები მათ სხეულში ავტომატურად წარმოქმნის სტრესის ჰორმონებს, რაც მათზე უარყოფითად აისახება როგორც ზოგადად, ისე იმ კონკრეტულ მომენტში.